واقي شمس افين للبشرة الدهنية ريفيو كامل +avene cleanance sun spf 50

واقي شمس افين للبشرة الدهنية +avene cleanance spf 50

متابعات جميله كير، يا رب تكونوا بخير، النهارده عملتلكم ريفيو كامل عن صن بلوك افين للبشرة الدهنية، وطبعا الصن سكرين من أهم الأولويات في روتين البشرة، وهو واقي شمس مخصص للبشره الدهنيه المعرضه لحب الشباب، وهكلمكم عن مميزاته وعيوبه، واسعاره في الدول العربية.

وايه هي الأماكن المضمونه اللي تقدري تجيبيه منها، والفترات اللي بتظهر فيها النتائج مع استخدامه، و جمعتلكم ريفيوهات عملاء جميله كير المتابعات مع خبيرات الجلدية والتجميل.

وكمان هقولك على طريقة الاستخدام الصحيحة ليه اللي توصلك للنتائج بشكل سليم.

ولو في اي سؤال اكتبيه في الكومنتات وانا هرد عليكي.

واقي شمس افين للبشرة الدهنية +avene cleanance spf 50

منتجات شركة افين الفرنسية من المنتجات اللي ليها شعبيه ومعروف فاعليتها على مستوى الوطن العربي، وهي اتميزت باستخدام مياه افين الحرارية الطبيعية اللي بتعمل تهدئة للبشره ضد التهاب الشمس.

و افين كلينانس صن سكرين بيحتوي على مادة monolaurin، وهي من ضمن أقوى المواد اللي بتمتص الدهون وتمنع لمعه البشره الدهنيه، وده بيخليه من ضمن أفضل انواع الصن سكرين الي بيستخدموه اصحاب البشره الدهنيه المعرضه لحب الشباب.

تعالي اقولك باقي مميزاته.

مكونات واقي شمس افين للبشرة الدهنية

مميزات واقي شمس افين للبشرة الدهنية

• بيحمي بشرتك من أشعة الشمس الضارة UVA-UVB لأن موجود فيه فلاتر حمايه قويه بنسبه حماية لمدة ساعتين ضد اشعة الشمس.
• صن بلوك افين هيعمل على تهدئة بشرتك حتى لو فيها حبوب نشطة، وكمان بيمنع الحكة لأنه بيحتوي على مادة zinc gluconate وهى مادة قوية في تهدئه البشره.
• هيمنع ظهور اللمعة الدهنية اللي بتكون ظاهرة وواضحة لأحتوائة على مواد بتمتص الدهون اللي موجودة في بشرتك زي ماده mattifying powders.
• خفيف جدًا على بشرتك ويمتص بسرعة ومش بيسيب أي اثر على الجلد.
• بيحمي بالبشرة من ظهور التجاعيد والتصبغ مع الوقت والاستمرار عليه.

أما بالنسبة لعيوبه

• العبوة حجمها صغير الى حد ما وبالأخص لو هتستخدميه للوجه والجسم.
• لازم يتجدد كل ساعتين عشان يقدر يحمي بشرتك من أي عوامل خارجية.
• مينفعش يستخدم للبشرة الجافة وشديدة الجفاف.

سعره في الدول العربية

بتفاوت الأسعار في الدول العربية من دولة لأخرى كالآتي:

في السعودية 158.7 ريال

الإمارات 158.7 درهم

الكويت 12.70 دينار

البحرين 15.87 دينار

عمان 23.61 ريال

في مصر 345 جنية رابط الشراء في مصر عن طريق الفيسبوك

نتائجه

يفضل تستخدميه مع المتابعة مع خبيرة الجلدية والجميل، عشان تعرفك روتين يومك المناسب ليكي ولحالتك، وتتابع معاكي النتائج خطوة بخطوة.

• هيحمي بشرتك من أضرار أشعة الشمس من أول استخدام.
• بيحميكي من ظهور التجاعيد مع مرور العمر.
• بيقلل ظهور التصبغ الناتج عن أشعة الشمس مع إستخدامك المتواصل ليه.

ريفيو عائلة جميلة كير

دي ريفيوهات عميلاتنا المتابعات مع خبيرات الجلدية والتجميل عندنا، وازاى كانوا بيحسوا بالتغير والراحة بعد استخدامه.

طريقة استخدام واقي شمس افين للبشرة الدهنية

1. اغسلي بشرتك كويس بالغسول المخصص ليها، مع تجفيفه بفوطة قطنية ناعمة.
2. هتاخدي كمية قليلة منه ووزعيها على بشرتك.
3. والافضل انك تستخدمي قبل التعرض للشمس ب 15 دقيقة على الأقل.
4. ولو هتتعرض للشمس فترة طويلة اكثر من ساعتين لازم تجدديه تاني علي بشرتك.